Ўзбекистонда Интеллектуал мулк агентлиги вазифалари Адлия вазирлигига юклатилиши кутилмоқда. Бу ҳақда Олий Мажлис Қонунчилик палатасидаги «Миллий тикланиш» демократик партияси фракциясининг навбатдаги йиғилишида қайд этилди.
Йиғилишда «Ўзбекистон Республикаси адлия органлари тизими такомиллаштириш муносабати билан Ўзбекистон Республикасиниг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳаси муҳокама қилинган.
Қонун лойиҳаси билан интеллектуал мулк соҳасидаги қонунларга ўзгартиш ва қўшимчалар киритилиб, Интеллектуал мулк агентлигининг вазифалари Адлия вазирлигига юклатилмоқда. Шунингдек, Меҳнат кодексига ўзгартириш киритилган ҳолда, адлия органларига меҳнат низосини кўриш ҳақидаги ариза билан судга мурожаат қилиш ҳуқуқи бериляпти.
Фракция аъзолари қонун лойиҳасини муҳокама қилиш жараёнида улардаги айрим нормалар юзасидан мутасаддиларга кўплаб саволлар билан юзланди. Қонун лойиҳаларини янада такомиллаштириш, пишиқ-пухта ҳолатга келтириш бўйича тегишли тавсиялар берган ҳолда мазкур ҳужжатларни қўллаб-қувватлади.
Изоҳ (0)