Лионель Месси терма жамоалар тарихида энг яхши тўпурарлар рўйхатида 3-ўринга кўтарилиши учун битта гол қолди

Аргентина ҳужумчиси Лионель Месси Гондурасга қарши ўртоқлик ўйинида (3:0) дубль қайд этди.

35 ёшли ҳужумчи терма жамоадаги 163-ўйинида 88-голини урди. Месси аллақачон Аргентина тарихидаги энг яхши тўпурарга айланган. Аввалги рекорд Габриэль Батистутага тегишли эди (77 ўйинда 54 та гол).

Лионель терма жамоалар тарихидаги энг яхши тўпурарлар рўйхатида 4-ўринни эгаллаб турибди. Учинчи ўринни Малайзия терма жамоаси аъзоси Моҳтар Даҳари 142 ўйинда 89 та гол билан эгаллаб турибди. Аргентиналик 3-ўринга кўтарилиб олиши учун битта гол кифоя.

Иккинчи ўринда Али Дайи (Эрон, 148 ўйинда 109 та гол) жойлашган. Терма жамоалар тарихида энг кўп гол уриш бўйича рекордчи Криштиану Роналду ҳисобланади. Португалиялик 189 ўйинда 117 та гол муаллифига айланган.