Шавкат Мирзиёев раислигида Ўзбекистоннинг ички ва ташқи туризм салоҳиятини ошириш чора-тадбирлари юзасидан видеоселектор йиғилиши бошланди. Бу ҳақда президент матбуот котиби хабар қилди.
Қайд этилишича, давлат раҳбари бу йили туризм учун пандемиядан кейин қайта тикланиш даври бошланганини таъкидлаган. Жумладан:
- сентябрьгача бўлган даврда Ўзбекистонга келган хорижий туристлар сони 2021 йилга нисбатан 3 бараварга кўпайди ва 3,1 миллион нафарни ташкил этди;
- йил бошидан туризм экспорти ҳажми 926 миллион доллар бўлди (2019 йил давомида 951 миллион доллар бўлган);
- мамлакатга келган меҳмонларнинг саёҳати ўртача 4-5 кунгача, сарфлаган маблағи 305 долларгача кўпайди (бу 2019 йилда ўртача 3 кунни ташкил этиб, улар 195 доллар сарфлаган);
Туризмда топилган даромаднинг 30 фоизи одамларнинг қўлига иш ҳақи бўлиб бориши, саноатда ва бошқа тармоқларда бу 10 фоиздан ошмаслиги кўрсатиб ўтилган. Туризм соҳасида яратилган битта иш ўрни турдош тармоқларда қўшимча иккита иш ўрни пайдо бўлишига туртки беради.
«Буни тушунган вилоят, туман ва шаҳар ҳокимлари тадбиркорлар билан ишлаб, сайёҳлар келадиган жойларни кўпайтиряпти», — дейди президент.
Изоҳ (0)