Қайд этилишича, саммит муносабати билан Самарқанд халқаро аэропорти икки кунда хориждан 13 давлат ва ҳукумат раҳбарлари ҳаво кемаларини қабул қилди.
Қуйида Самарқандга қўнган биринчи рақамли 13 та бортнинг суратлари, уларнинг баъзилари ҳақидаги айрим маълумотларни эълон қиламиз:
Шанхай ҳамкорлик ташкилоти давлат раҳбарлари кенгашининг навбатдаги мажлисида қатнашиш учун дастлаб Мўғулистон зрезиденти Ухнаагийн Хурельсухнинг самолёти – Boeing 737-800 (JU-1088) Самарқандга келди.
Эрон Ислом республикаси президенти Иброҳим Раисий ҳам 14 сентябрь куни расмий ташриф билан мамлакатимизга келди. У Airbus А340-300 (EP-IGA) хизматидан фойдаланди.
Қирғиз республикаси президенти Садир Жапаровнинг самолёти Самарқанд халқаро аэропортига қўнди.
Хитой халқ республикаси раиси Си Цзиньпин Boeing 747-8 (Б-2482) бортида давлат ташрифи билан Самарқандга келди.
Тожикистон президенти ШҲТ саммитида қатнашиш учун 737-8GL, EY-777 самолётида келди.
ШҲТ саммитига фахрий меҳмон сифатида таклиф этилган Туркманистон президенти Сердар Бердимуҳамедов Boeing 777-200(LR), EZ-A780 самолётидан фойдаланди. Ушбу ҳаво кемаси узоқ масофаларга учишга мўлжаллангани билан ажралиб туради. У дунёдаги деярли ҳар қандай икки аэропортни боғлай олиши ҳақида маълумотлар келтирилади.
Шанхай ҳамкорлик ташкилотининг Самарқанд шаҳридаги саммити доирасида ташриф билан мамлакатимизга келган Россия президенти Владимир Путиннинг борти.
Покистон Ислом республикаси бош вазири Шаҳбоз Шариф Самарқанд саммити тадбирларида қатнашиш учун ушбу самолётда келди.
Озарбайжон республикаси президенти Илҳом Алиев Самарқандга мамлакат ҳаво йўлларининг Airbus А340-600 (4K-AI08) самолётида ташриф буюрди.
Беларусь республикаси президенти Александр Лукашенко Шанхай ҳамкорлик ташкилоти давлат раҳбарлари кенгашининг Самарқанддаги мажлисида қатнашиш учун 15 сентябрь куни ушбу самолётда келди.
Туркия республикаси президенти Ражаб Тоййиб Эрдўған Ўзбекистонга 747-8ZV(BBJ) самолётида ташриф буюрди. Маълумотларга кўра, ушбу ҳаво кемаси 400 нафар йўловчига хизмат қила олади, лекин у ҳозирги тайёр ҳолатида 76 нафар йўловчига мўлжалланган.
Қозоғистон республикаси президенти Қосим-Жўмарт Тўқаев Самарқандга ушбу самолётда келди.
Самарқандга таклиф этилганлар орасида энг охирида келган Ҳиндистон республикаси бош вазири Нарендра Моди Boeing 777-300(ER) самолётидан фойдаланди.
Изоҳ (0)