Туркия президенти Ражаб Тоййиб Эрдўғон Самарқанддаги саммит доирасида минтақавий ҳамкорликни, жумладан, ШҲТга аъзо давлатлар билан ҳамкорликни чуқурлаштириш таклифи билан чиқди.
«Глобал ҳамкорлик ва биргаликда яқиндан ишлаш замонамизнинг муаммо ва масалаларини бартараф этишнинг калитидир. Бизнинг мулоқот бўйича ҳамкор мақомимиз туфайли сўнгги 10 йил ичида ШҲТ Осиёга очилган деразаларимиздан бирига айланди.ШҲТ Осиё минтақасидаги ишончли платформадир. Унинг фаолияти боис биз бағрикенглик, ўзаро ёрдам ва ҳамкорлик ғояларини тарғиб этяпмиз. Туркиянинг мақсади инсонпарварлик қадриятларига асосланган дипломатик ҳаракатлар орқали минтақада ҳам, ундан ташқарида ҳам тинчлик камарини шакллантиришдир.
Биз кўплаб имкониятлар, шу билан бирга кўплаб муаммолар мавжуд бўлган замонда яшаяпмиз. Баъзи мамлакатлар ўз атрофида девор қуриб, бошқалардан ихоталанишга ҳаракат қилмоқда.
Коронавирус пандемияси ҳаммамиз бир кемада эканимизни эслатди. Бизга янада адолатли дунё тартиби керак», — дейди Туркия президенти.
Изоҳ (0)