14 сентябрь куни Ўзбекистон ташқи ишлар вазири Владимир Норов Беларусь ташқи ишлар вазири Владимир Макей билан учрашди, деб хабар бермоқда ТИВ матбуот хизмати.
Қайд этилишича, томонлар Ўзбекистон ва Беларусь ўртасидаги ҳамкорликнинг бугунги ҳолати ва истиқболлари юзасидан фикр алмашди.
Икки давлат раҳбарларининг сиёсий иродаси ва амалий саъй-ҳаракатлари сабабли сўнгги йилларда Ўзбекистон—Беларусь муносабатлари алоҳида жадаллик касб этгани таъкидланди. Икки томонлама ва халқаро институтлар доирасида фаол мулоқот олиб борилмоқда.
Владимир Макей Шанхай ҳамкорлик ташкилотига раислик доирасида Ўзбекистон томони томонидан амалга оширилган ишлар ва ўз миқёсида йилнинг асосий сиёсий воқеаларидан бирига айланадиган ШҲТ саммитига тайёргарлик кўришни юқори баҳолади.
Савдо-иқтисодиёт, транспорт-логистика, таълим ва маданият соҳаларида ҳамкорликни фаоллаштириш бўйича таклифлар кўриб чиқилди.
Ўзбекистон ва Беларусь ўртасида дипломатик муносабатлар ўрнатилганининг 30 йиллигини нишонлаш доирасидаги ва бошқа бўлажак тадбирлар жадвали кўриб чиқилди.
Изоҳ (0)