Хитой раҳбари Си Цзиньпин давлат ташрифи билан Қозоғистонга келди. Бу ҳақда мамлакат президенти Қосим-Жўмарт Тўқаев матбуот хизматига таяниб «Коммерсантъ» хабар бермоқда.
Икки давлат раҳбарлари музокаралар ўтказиш ниятида, шунингдек, ҳамкорлик бўйича қатор шартномалар тузиш режалаштирилган. Бу Си Цзиньпиннинг коронавирус пандемияси давридан бери биринчи хорижий ташрифидир. У 2020 йил январь ойи охиридан бери Хитойни тарк этмаганди.
15—16 сентябрь кунлари Ўзбекистоннинг Самарқанд шаҳрида Шанхай ҳамкорлик ташкилотига аъзо давлатлар раҳбарларининг саммити бўлиб ўтади. Хитой президенти Си ҳам у ерга ташриф буюради.
Июль ойида япон оммавий ахборот воситалари Хитой раҳбари пандемия туфайли Владимир Путиннинг Россияга келиш таклифини рад этгани ҳақида ёзган эди. Кремль эса Си Цзиньпин Россияга коронавирус чекловлари олиб ташланганидан кейин ташриф буюриши мумкинлигини маълум қилган.
Изоҳ (0)