Эрталабки шиш — бу жуда кўп аёллар дуч келадиган муаммо. Metaболик жараёнларни яхшилайдиган ва организмдаги суюқликни меъёрда сақлашга ёрдам берадиган фойдали ва арзон маҳсулотларни рационга қўшиб, муаммони ичкаридан ҳал қилиш мумкин. The Voice Mag нашри уларнинг 6 таси билан таништирди.
Косметик брендлар юзнинг шишишига қарши тезкор курашиш учун махсус воситаларни ишлаб чиқишаришни тўхтатмайди. Улардан баъзилари ҳақиқатан ҳам ажойиб фойда беради. Аммо шунга қарамай, барча муаммолар ички томондан келиб чиқишини унутмаслик лозим. Кундалик овқатланишнинг оддий парвариши косметик воситалардан кўра кўпроқ фойда бериши мумкин.
Булғор қалампири
Булғори қалампири магний, калий ва C витаминига бой, бу эса организмдан ортиқча суюқликни чиқариб ташлашга ёрдам беради.
Бақлажон
Бақлажон энг фойдали мавсумий сабзавотлардан биридир. Лекин унутмангки, уни тўғри пишириш керак — печ ёки буғда. Кўп миқдорда ёғда зираворлар билан қовурилган ва майонез билан аралаштирилган бақлажонлар организмга фойда келтириши даргумон.
Бодринг ва кўкатлар
Яшил ва баргли сабзавотларда калий кўп миқдорда мавжуд. Бундан ташқари, бодринг ёки кўкатларни ёқтирмайдиган одамни топиш қийин. Буларнинг барчаси организмдаги метаболик жараёнларни барқарорлаштиришга ва шиш пайдо бўлиш эҳтимолини камайтиришга ёрдам беради.
Карам
Яшил ва Брюссель карамлари клетчатка ва C витамини бўйича чемпиондир. Бундан ташқари, карам кўпинча шиш билан курашиш учун ташқи восита сифатида тавсия этилади, лекин барибир уларни кундалик рационга киритиш яхшироқдир.
Гречка
Гречка ҳомиладорлик даврида тавсия этилган асосий озиқ-овқатлардан бири бўлиб, у организмдаги суюқликнинг турғунлиги билан курашадиган мўъжизавий қобилиятга эга. Эрталабки шишда кечки овқат учун ҳар куни гречка истеъмол қилиш тавсия этилади. Лекин уни кўп тузламасликка ҳаракат қилиш керак, чунки туз гречканинг фойдали хусусиятларини йўққа чиқариши мумкин.
Изоҳ (0)