Тошкентда Audi e-tron GТ ЙТҲга учрагани акс этган видеолар ижтимоий тармоқларда тарқалди. Пойтахт ИИББ матбуот хизмати ҳолат юзасидан маълумот берди.
Маълум қилинишича, воқеа 7 сентябрь куни тахминан соат 10:20 ларда Учтепа туманидаги Катта қаъни кўчасида юз берган. 1974 йилда туғилган С.Н. бошқарувидаги Ауди русумли автомобиль ва 1953 йилда туғилган У.С. бошқарувидаги Nexia-1 тўқнашган.
Оқибатда Nexia-1 ҳайдовчиси тан жароҳати олиб касалхонага ётқизилган.
Айни пайтда ҳолат юзасидан Тошкент шаҳар ИИББ ЙҲХБ томонидан терговга қадар текширув ўтказилиб, ЙТҲ сабаблари аниқлаштирилмоқда.
Изоҳ (0)