Шанхай ҳамкорлик ташкилоти (ШҲТ) янги халқаро муносабатларнинг шаклланиши шароитида ўз салоҳиятини оширмоқда. Бу ҳақда Тожикистон президенти ҳузуридаги Давлат хизмати Академияси профессори, ШҲТнинг собиқ бош котиби Рашид Алимов баёнот берди.
Алимовнинг сўзларига кўра, ташкилотнинг дунёдаги аҳамияти ўсиб бормоқда. Унинг нуфузини Самарқанд саммитида иштирок этаётган давлатлар раҳбарлари таркиби ҳам тасдиқлайди.
«ШҲТ саммити нафақат Эронни ташкилотга қабул қилиш тўғрисида қарор қабул қилиши, балки, катта эҳтимол билан, кейинги номзодни қабул қилиш тартибини бошлаш масаласини муҳокама қилиши кутилмоқда», — деган ташкилот собиқ бош котиби.
Унинг қўшимча қилишича, ҳозирда «иш столи»да ташкилотга аъзо бўлишни истаган давлатларнинг 10 га яқин аризаси турибди.
«ШҲТ на ҳарбий-сиёсий, на иқтисодий иттифоқдир. Унинг кучли жиҳати — иштирокчи давлатларнинг тенглиги ва бирлигидир», — дейди эксперт.
Унинг таъкидлашича, ташкилотнинг Самарқанд саммити дунё тинчлиги, халқаро хавфсизлик ва бутун инсоният цивилизациясининг келажаги учун муҳим аҳамиятга эга бўлади.
Мавзуга доир:
Самарқанддаги ШҲТ саммитида Эрон янги доимий аъзо сифатида таништирилади
«Минтақада барқарорлик фақат Афғонистон масаласи ҳал қилинганидан кейингина бўлади» — ШҲТ бош котиби
Изоҳ (0)