Букингем саройи: Шифокорлар Елизавета II нинг соғлиғидан хавотирда

Қиролича Елизавета II шифокорлари унинг соғлиғидан хавотирда. Бу ҳақда Букингем саройи расмий баёнотига таяниб, BBC хабар бермоқда.

Бугун (8 сентябрь) эрталаб қўшимча текширувлардан сўнг, қиролича шифокорлари унинг соғлиғидан хавотирланиб, қироличага тиббий назорат остида қолишни тавсия қилган.

Айни пайтда қиролича Balmoralда махсус шифокорлар назорати остида.

BBC’нинг маълум қилишича, ҳозирда тахт вориси шаҳзода Чарльз ва шаҳзода Уильям Шотландияга қироличанинг ёнига йўл олишмоқда.

Шунингдек, Корнуол герцогиняси ҳамда Кембриж герцоги ҳам у ерга томон йўлга чиққан.

Бир кун олдин қиролича билан учрашган Буюк Британия бош вазири Лиз Трасс ҳам бутун мамлакат бу янгиликдан чуқур хавотирда эканини таъкидлаган.

96 ёшли Елизавета II сўнгги ойларда соғлиғи сабабли мунтазам равишда турли тадбирларни рад этиб келмоқда эди. Хусусан, у июнь ойи бошида тахтга ўтирганининг 70 йиллиги муносабати билан ўтказилган тантаналарда деярли қатнашмаган.