Даррен Аронофскийнинг «Кит» фильми Брендан Фрэйзернинг катта экранга қайтишини англатади. У 2010 йилда у асосий роллардан кейин, кичикроқ ролларни ўйнай бошлаган эди. Режиссёрнинг Брендан Фрэйзер иштирокидаги «Кит» фильми премьераси Венеция кинофестивалида бўлиб ўтди. Ижтимоий тармоқларда фильм намойиш этилгандан сўнг актёрнинг олқишларга муносабати акс этган видео пайдо бўлди.
Гувоҳларнинг сўзларига кўра, премьерадан сўнг томошабинлар Фрэйзерни олти дақиқа давомида олқишлаган. Variety нашри журналисти Рамин Сетудеҳ Twitter’да актёр норозиликдан хижолат бўлиб, зални тарк этишга урингани, аммо ҳаяжонли олқишлар уни бари бир қолишга мажбур қилганини айтди. Бу ҳолатда Фрэйзер кўз ёшларини тия олмаган.
Залда актриса ва сценарий муаллифи Фи Уоллер-Бридж, актёр Ник Кролл бўлган ва Variety нашрининг ёзишича, Хиллари Клинтоннинг ходими Хума Абедин ҳам «Фрэйзер каби кўз ёшларини тўккан». Фильмнинг «юракни эзувчи» якуний саҳналарида ҳам иштирок этган кўплаб мухлислар рўмолча олиб чиққан.
«Кит» фильмида Фрэйзер 270 килограмм оғирликдаги ўрта ёшли Чарли ролини ўйнаган. У кейинчалик вафот этган севгилиси учун ўз оиласини ташлаб кетгади ва шундан сўнг, 17 ёшли қизи (бу ролни «Ғариб нарсалар» юлдузи Седи Цинк ўйнаган) билан учрашишга ҳаракат қилади. Чарли қайғу туфайли ва ортиқча овқатланиш туфайли вазн орттирган.
«Кит» фильми Брендан Фрэйзернинг катта экранга қайтишини англатади. Актёр 1997 йилда суратга олинган «Жунгли Жорж» фильмидаги образи ва «Мумиё» кинокартинасидаги роли туфайли танилган. Бироқ, 2010 йилда Фрэйзер бош қаҳрамонлар ролларини ижро этишни тўхтатди ва фильмларда эпизод ролларни ўйнай бошлади.
Мавзуга доир:
Изоҳ (0)