Ёғли сочлар муаммоси жуда оддий ҳал қилинади ва бунинг учун энди кунига икки марта уларни ювиш шарт эмас. «Новий очаг» нашри тақдим этган маслаҳатлар исталган вақтда ва исталган жойда чиройли кўринишга ёрдам беради.
Сулфатсиз шампундан фойдаланинг
Ёғли соч эгалари вақти-вақти билан ўзларининг гўзаллик тартибига бундай ғамхўрликни киритиши керак, шунда бош териси ҳолати ўзгаради ва камроқ ёғ ишлаб чиқара бошлайди. Бозорда бундай маҳсулотлар унчалик кўп эмас — аксарият ҳолларда қадоқлашда маҳсулотда сулфат мавжуд эмаслиги ёзилади.
Сочни сирка билан ювинг
Бальзам ёки ниқобни қўллагандан сўнг сочларни махсус сирка билан ювиш тавсия этилади. Бу бош терисининг табиий pH қийматини тиклашга ёрдам беради. Бундан ташқари, сирка нафақат сочларнинг ёғланишини камайтиради, балки унга юмшоқлик ва жило беради.
Қуруқ шампундан фойдаланинг
Агар соч ҳар куни ювилса, бундан воз кечишга ҳаракат қилиш керак. Бу тескари туйилиши мумкин, лекин соч қанчалик кам ювилса, шунча яхши натижага эришилади. Тери қуриб кетмаслиги, соч сийраклашмаслиги ва тўкилмаслиги учун тери секрецияси керак. Соч тез-тез ювилса, у табиий ҳимоядан маҳрум қилинади ва кўпроқ ёғ ишлаб чиқаради. Бундай ҳолат юзага келмаслиги учун қуруқ шампундан фойдаланиш тавсия этилади.
Силлиқ турмакдан фойдаланманг
Соч учун мўлжалланган дазмолни бир четга қўйинг. Силлиқ сочларда тери ёғи бутун узунлик бўйлаб тез тарқалади. Жингалак сочларда толалар узоқроқ вақт давомида тоза кўринишда туради, шунинг учун табиий жингалак сочлар кўпинча ёғланмайди.
Изоҳ (0)