«Рома» Италия чемпионатининг 5-турида «Удинезе»га 0:4 ҳисобида имкониятни бой берди.
Бу Жозе Моуриньо жамоаси учун жорий мавсумдаги илк мағлубият бўлди. Бунгача римликлар 3 та ғалаба ва битта дуранг натижа қайд этганди.
Ундан ташқари португалиялик мутахассис А Сериядаги энг йирик мағлубиятини қабул қилиб олди. Шу вақтга қадар Жозе чемпионатларда фақат икки марта 4 ва ундан кўпроқ тўплар нисбатида мағлуб бўлган: 2010 йилда «Реал» мураббийи сифатида «Барселона»га 0:5 ҳисобида имкониятни бой берган, «Манчестер Юнайтед» билан бирга «Челси»га 0:4 ҳисобида ютқазган.
«Рома» кейинги ўйинини Европа Лигасида «Лудагорец»га қарши ўтказади. А Серияда эса «Эмполи» римликларнинг навбатдаги рақиби.
Изоҳ (0)