2022 йилнинг январь—июль ойларида Ўзбекистон хорижий давлатлардан қиймати 1,8 миллион долларга тенг бўлган 257,2 тонна кофе маҳсулотларини импорт қилган. Бу ҳақда Давлат статистика қўмитаси хабар қилди.
Қайд этилишича, кофе маҳсулотлари импорти 2021 йилнинг мос даври билан солиштирилганда 61 тоннага ошган. 2022 йилнинг 7 ойида Ўзбекистонга импорт қилинган кофенинг энг катта улушига эга бўлган давлатлар:
- Италия – 63,6 тонна;
- Бразилия – 45 тонна;
- Россия – 31,8 тонна;
- Германия – 28,4 тонна;
- Вьетнам – 22,4 тонна;
- Польша – 19,1 тонна;
- Туркия – 12,7 тонна;
- Белорус – 12,7 тонна
- Колумбия – 2,8 тонна;
- Португалия – 2,7 тонна.
Изоҳ (0)