«Ўзбекистон Республикаси давлат мустақиллигининг ўттиз бир йиллиги муносабати билан бир гуруҳ чет эл фуқароларини мукофотлаш тўғрисида»ги Ўзбекистон Республикаси президентининг фармони қабул қилинди. Ҳужжат матни Президент матбуот хизматида эълон қилинди.
Қайд этилишича, давлатлар ўртасидаги кўп қиррали ва ўзаро манфаатли ҳамкорликни ҳар томонлама ривожлантириш, шериклик муносабатларини чуқурлаштириш, сиёсий-дипломатик, савдо-иқтисодий, инвестициявий, таълим, илм-фан ва маданий-гуманитар соҳалардаги алоқаларни кенгайтиришга қўшаётган катта ҳиссаси, Ўзбекистон томонидан илгари сурилаётган глобал ва минтақавий ташаббусларни фаол қўллаб-қувватлаш, шунингдек, халқлар орасидаги дўстлик ва ҳамжиҳатлик ришталарини мустаҳкамлаш, узоқ муддатли ва кенг қамровли муносабатларни янги босқичга кўтариш борасидаги самарали фаолияти учун қуйидагилар «Дўстлик» ордени билан мукофотланади:
- 1. Фуат Октай - Туркия Республикаси вице-президенти
- 2. Мантуров Денис Valentinoвич - Россия Федерацияси ҳукумати раиси ўринбосари – саноат ва савдо вазири
- 3. Холид Абдулазиз ал-Фалиҳ - Саудия Арабистони подшоҳлиги инвестициялар вазири
- 4. Муҳаммад бин Абдулла ал-Гаргавий - Бирлашган Араб Амирликлари ҳукумат ишлари бўйича вазири
- 5. Люк Девин - Европа ташқи алоқалар хизмати Шарқий Европа ва Марказий Осиё бўйича бошқарувчи директори ўринбосари
- 6. Ван Янчжи - Ипак йўли жамғармаси президенти – Директорлар кенгаши ижрочи директори (Хитой Халқ Республикаси)
- 7. Дениел Розенблюм - АҚШнинг Ўзбекистон Республикасидаги Фавқулодда ва мухтор элчиси
- 8. Гулиев Гусейн Рзагулу ўғли - Озарбайжон Республикасининг Ўзбекистон Республикасидаги Фавқулодда ва мухтор элчиси
- 9. Черникова Алевтина Анатолевна - Россия Федерациясининг «МИСиС» миллий технологик тадқиқотлар университети ректори
- 10. Малишев Владимир Сергеевич - Бутунроссия давлат кинематография институти ректори
- 11. Трегулова Зелфира Исмаиловна - Третяков Давлат галереяси бош директори (Россия Федерацияси)
- 12. Зиядуллаев Наби Саидкаримович - Тошкент давлат иқтисодиёт университети илмий маслаҳатчиси
Изоҳ (0)