Наманган вилояти ҳокимининг ўринбосарлари ҳамда вилоят ташкилотлари раҳбарларидан иборат делегация Қорақалпоғистоннинг Қораўзак туманига келди. Бу ҳақда «Дарё» мухбири Азизбек Абдувалиев хабар бермоқда.
Наманганликлар томонидан Қораўзакда аҳолини ижтимоий-иқтисодий қўллаб-қувватлаш мақсадида амалий ишлар бошланди.
Хусусан, ушбу тумандаги «Қораўзак» овули ҳудудида қиймати 4,5 миллиард сўм бўлган 80 ўринли мактабгача таълим ташкилоти қурилишига тамал тоши қўйилиб, қурилиш ишлари бошлаб юборилди.
Тумандаги 33 та умумтаълим мактабларига инвентарлар — электрон доска ва видеопроекторлар, мебель ва гиламлар, қўлланма ва китоблар тарқатилмоқда.
Маълумот учун, Наманган вилояти Қораўзак туманини оталиққа олган бўлиб, ҳудудда вилоят штаби ташкил этилган.
Мавзуга доир:
- Ҳудудларга бириктирилган вилоят ҳокимлари, кичик туманларга бериладиган катта маблағлар, қиймати 108 миллион доллар бўлган шамол электр станцияси — президентнинг Қорақалпоғистонга ташрифидан кейинги хулосалар
- Наманганлик тадбиркорлар Қорақалпоғистонда бўш ерларни ўзлаштириб, қишлоқ хўжалиги кластерларини ташкил этмоқда — Шавкат Абдураззақов
Изоҳ (0)