Тошкентнинг Яшнобод туманидаги «Авиасозлар» бозорида санитария тартиб қоидаларига жавоб бермайдиган гўшт маҳсулотлари сотилаётгани аниқланди.
Санитария-эпидемиологик осойишталик ва жамоат саломатлиги бошқармаси Яшнобод туман бўлими ҳамда туман ИИБ ходимлари билан биргаликда ушбу деҳқон бозори ва унинг атрофидаги объектлардаги ноқонуний савдо фаолияти, санитар-гигиеник ҳолати бўйича рейд ўтказган.
Назорат рейд тадбирлари натижасида бозорда санитария тартиб қоидаларига жавоб бермайдиган қуйидаги маҳсулотлар брокераж қилинган:- қийма — 8 килограм;
- гўшт маҳсулотлари — 12 килограм;
- товуқ бўйнлари — 25 килограм;
- товуқ қанотлари — 17,1 килограм.
Тадбиркорлик фаолиятини юритаётган субъектларда санитария қоидаларига амал қилиниши, озиқ-овқат маҳсулотларини сифат ва хавфсизлик юзасидан тушунтириш ишлари ўтказилган. Аҳолига соғлом турмуш тарзи, ботулизм ва овқатдан заҳарланишларнинг олдини олиш, санитария гигиена қоидаларига риоя қилиш тўғрисида тарғибот ишлари олиб борилган.