Қашқадарё вилоят ИИБ бошлиғи Шуҳрат Сотволдиев қабулида бўлиб, 53 йилдан бери ногирон синглисини парвариш қилиб келаётганини айтган аёлга кўмак берди. Бу ҳақда «Дарё»га вилоят ИИБ ахборот хизмати раҳбари Жавлон Бахтиев хабар берди.
Маълум бўлишича, Шуҳрат Сотволдиев қабулида бўлган аёл 55 ёшли синглиси ва 92 ёшли онаси учун юмшоқ мебель олиб берилишида ёрдам сўраган.
«Яшаб турган маҳалламиз вилоят ИИБ бошлиғи сектори ҳудудига киргани учун яхши ниятда ИИБ бошлиғи қабулига бордим. Қабулда бўлиб, Шуҳрат Сотволдиевга қарамоғимда икки ёшида ногирон бўлиб қолган 55 ёшли синглим ва беш йилдан бери тўшакка михланиб қолган 92 ёшли онам борлигини айтиб, уларга юмшоқ мебель олиб берилишида кўмак сўрадим. Барака топсин тезда ишга киришиб, уйимизга онам ва синглим учун юмшоқ мебель, оиламиз учун озиқ-овқат маҳсулотлари олиб келишди. Янаям қувонарлиси 55 ёшли синглим учун ногиронлик аравачаси ҳам олиб келишди. Шундай раҳбарларимиз кўпаяверсин», — дейди мурожаатчи Ражабгул Бердиёрова.
Бошқарма ахборот хизмати раҳбари Жавлон Бахтиевнинг қўшимча қилишича, бундай ғамхўрликдан севинган 92 ёшли Хадича она Ҳайдарова давлат раҳбари, Ички ишлар вазирлиги ва вилоят ички ишлар бошқармаси раҳбариятига ўз миннатдорчилигини изҳор қилиб, дуога қўл очган.
Изоҳ (0)