Президентнинг тадбиркорлар билан очиқ мулоқоти олдидан қурилиш соҳаси бўйича келган мурожаатлар ҳақида маълумот берилди

Президентнинг тадбиркорлар билан очиқ мулоқоти олдидан қурилиш соҳасидаги ишбилармонлардан келган 200 та мурожаат ва таклифнинг 90 фоизи ижобий ҳал этилган. Бу ҳақда АОКАда ўтказилган брифингда «Ўзсаноатқурилишматериаллари» уюшмаси ахборот хизмати раҳбари Жамшид Шерметов маълум қилди.

Қайд этилишича, ўтган олти ойда «Ўзсаноатқурилишматериаллари» уюшмасига жами 49 та жисмоний ва юридик шахснинг мурожаатлари келиб тушган. Жумладан, президент виртуал қабулхонаси («pm.gov.uz») орқали 16 та ҳамда бевосита уюшмага 33 та, шундан 6 та ёзма, 27 та электрон шаклдаги мурожаат келиб тушган.

Бевосита уюшмага келиб тушган мурожаатлардан 8 таси қаноатлантирилган, 4 тасига тушунтириш берилган ҳамда қолган 21 таси тегишлилиги бўйича бошқа ташкилотларга ижрога юборилган. Президент виртуал қабулхонаси («pm.gov.uz») орқали келиб тушган мурожаатлардан 11 таси тегишлилиги бўйича бошқа ташкилотларга юборилган.