«Манчестер Юнайтед» дарвозасига гол урган Муҳаммад Салоҳ тарихий рекорд қайд этди

«Ливерпуль» ҳужумчиси Муҳаммад Салоҳ «Манчестер Юнайтед»га қарши баҳсда (1:2) ўз ҳисобига гол ёздириб қўйди.

Шу тариқа мисрлик футболчи мерсисайдликлар таркибида «Манчестер Юнайтед»га қарши ўйиндаги голлари сонини 10 тага етказиб олди ва мазкур қарама-қаршилик тарихидаги энг яхши тўпурарга айланди.

Салоҳ бу борада 9 тадан гол урган Стивен Жеррард («Ливерпуль» сафида), Жорж Уолл ва Сенди Тернбуллни (иккаласи ҳам «Манчестер Юнайтед») ортда қолдирди.

Муҳаммад Салоҳ «Ливерпуль»даги голлари сони бўйича собиқ футболчи Стивен Жеррардга тенглашиб олди. Ҳар иккала футболчида Премер Лигадаги голлар сони 120 тани ташкил этади.

Салоҳ 2017 йилдан буён мерсисайдликлар шарафини ҳимоя қилиб келаётган бўлса, Жеррард 1998 йилдан 2015 йилга қадар «Ливерпуль» сафида тўп сурган.

Мавзуга доир:

• «Манчестер Юнайтед» «Ливерпуль»га қарши ўйинлардаги 4 йиллик нохуш анъанасига чек қўйди
• «Ливерпуль» АПЛда 21 ўйин деганда илк бор мағлуб бўлди ва 10 йил аввалги антирекордни такрорлади