Украиналиклар янги мавсумда ёшлар ва спорт вазирлиги йўриқномаси асосида, мудофаа вазирлиги ва полиция билан келишган ҳолда янги мавсум футбол мусобақаларини ўтказиш режасини тасдиқлади.
«Ўйинлар томошабинларсиз ўтказилади. Чекланган миқдордаги аккредитациядан ўтган шахслар — футболчилар, мураббийлар, ҳакамлар, учрашув расмийлари, ходимлар, аккредитациядан ўтган ОАВ, тиббиёт ходимлари, Давлат фавқулодда вазиятлар хизмати, миллий полиция вакилларининг иштирок этишига рухсат берилади.
Стадион мутасаддилари эвакуация режасига эга бўлиши ва барча давлат хавфсизлик қоидаларига жавоб берадиган, ўйиндаги иштирокчиларни тўлиқ сиғдира оладиган бошпаналарни тайёрлаб қўйиши талаб этилади. Бошпаналар стадионлардан 500 метрдан узоқ бўлмаган масофада жойлашган бўлиши лозим.
Ҳаво ҳужуми ҳақида огоҳлантириш пайдо бўлган тақдирда, стадион диктори: ‘Диққат! Огоҳлантириш! Барчадан бошпаналардан жой олишини сўраймиз’, — дея эълон бериши керак. Учрашув ҳаками дарҳол ўйинни тўхтатиш учун ҳуштак чалади ва жамоалар билан биргаликда бошпана томон йўл олади», — деб ёзади ижтимоий тармоқларда Украина ёшлар ва спорт вазири Вадим Гуцайт.
Украина Премер Лигасининг 1-тури 23 август куни старт олади. Мамлакат чемпиони «Шахтёр» Харьковнинг «Металлист 1925» жамоасини қабул қилса, вице-чемпион «Динамо» «Ингулц» билан баҳс олиб боради. «Шахтёр» ва «Динамо»нинг ўзаро ўйини 7-турга тўғри келади.
Изоҳ (0)