«Юзта хабардан 5 таси ҳақиқатга яқин». Роналду ўзи ҳақида янграётган миш-мишларга муносабат билдирди

Криштиану Роналду сўнгги вақтларда ўзи ҳақида янграётган хабарларга муносабат билдирди.

«Манчестер Юнайтед» ҳужумчиси Instagram’да трансферларга оид миш-мишлар борасида фикр қолдирди.

«Бир неча ҳафтадан кейин интервью берганимдан кейин ҳақиқатни билишади. ОАВ алдамоқда.

Сўнгги ойлар ичида ёзилган 100 та янгиликдан фақат бештаси ҳақиқатга яқин. Ишлар аслида қандай кетаётганини ўзингиз тасаввур қилиб олаверинг», — дейди Роналду.

Португалиялик футболчи «Манчестер Юнайтед»нинг мавсумолди тайёргарлик жараёнининг катта қисмида иштирок этмади. Кўплаб ОАВда футболчи Чемпионлар Лигаси йўлланмасини қўлга киритган клуб сафига ўтмоқчи экани ҳақида ёзди.

Аввалроқ «Манчестер Юнайтед» Роналдунинг ишга бўлган муносабатидан норози экани ва уни қўйиб юбориш ҳақида ўйлаётгани ҳақида хабар қилинганди.

Мазвуга доир: Гари Невилл: «Манчестер Юнайтед» футболчилар учун қабристонга айланиб қолди