Ғайриоддий севги ҳикояси билан машҳур бўлган таниқли сиёсий арбоблар ҳақида маълумот берамиз.
Митч Макконнелл ва Элейн Чао
Ёш фарқи: 11 йил
Кентукки сенатори Митч Макконнел ва унинг рафиқаси ўртасидаги ёш фарқи ўн бир йил. Жуфтликнинг иккаласи ҳам сиёсатчи. Асли тайванлик бўлган Элейн Чао 2017 йилдан 2021 йил бошигача Дональд Трамп маъмурияти даврида АҚШнинг собиқ транспорт вазири бўлган. Ҳозир Элейн 68, Митч 79 ёшда. Макконнел ва Чао дўстлари Стюарт Блох ташкил қилган учрашувда танишади ва 1993 йилда Роналд Рейганнинг туғилган кунида турмуш қуришади.
Николя Саркози ва Карла Бруни-Саркози
Ёш фарқи: 13 йил
Собиқ супермодель ва қўшиқчи Франциянинг ўша пайтдаги президенти билан 2007 йил ноябрь ойида ўзаро дўстлар зиёфатида танишади. Жуфтликнинг муносабати бир зумда овоза бўлади ва тез орада матбуот Париждаги Disneyленддаги севишганларнинг фотосуратларини нашр этади. Уларнинг яширин тўйи танишганларидан атиги 11 ҳафта ўтгач — 2008 йил февраль ойида бўлиб ўтади. Эр-хотин ишонч ва қўллаб-қувватлашга тўла уйғун муносабатларни мустаҳкамлашади, беш тилни биладиган собиқ модель эса эрига расмий вазифаларни бажаришда ёрдам беради. Николай ва Карланинг биринчи фарзанди Елисей саройида туғилади. Саркози коррупция ва таъсир ўтказишда айбланганда ҳам рафиқаси эри томонда эди — ҳатто қамоқ жазоси ҳам эр-хотинни ажрата олмайди.
Мишел ва Марсела Темер
Ёш фарқи: 42 йил
Темер — асли келиб чиқиши ливанлик бўлган Бразилиянинг иккинчи президенти. У 2016 йилдан 2019 йилгача ўзидан олдинги президент Дилма Руссефф импичмент орқали ҳокимиятдан четлаштирилгач, мамлакат президенти бўлган. Марсела унинг иккинчи хотини, собиқ гўзаллик маликаси. Тедески хоним Мишел Темер билан 19 ёшида танишган, ўшанда эркак 60 ёшда эди. Улар 2003 йилда турмуш қурган — муносабатларига 42 ёш фарқи ҳеч қандай тўсиқ бўлмаган. Ҳозирда эр-хотиннинг Мишел исмли ўғли бор.
Жо ва Жилл Байден
Ёш фарқи: 9 йил
Улар танишишганда бўлажак президент 33 ёшли АҚШ сенатори, бўлажак биринчи хоним эса 24 ёшли университет битирувчиси эди. Иккаласи ҳам аввал турмуш қурган. Байденнинг рафиқаси ва қизи 1972 йилда автоҳалокатда вафот этади ва у икки ўғли билан ёлғиз қолади. Бу пайтда Жилл ҳам эри билан ажрашганди. Бироқ у қўли ва юраги учун янги даъвогарга турмушга чиқишга шошилмайди. Байден хоним 2016 йилда Vogue журналига берган интервьюсида шундай дейди:
Мен битирувчи эдим: жинси шим, блузка ва сабо кийган йигитлар билан учрашардим. Жо эса учрашувга спорт курткаси ва мокасинада келганда мен: «Эй Худо, мен ҳеч қачон унга турмушга чиқмайман», дедим. Яна камига мендан тўққиз ёш катта эди! Аммо «Эркак ва аёл» фильмини кўргани Филаделфиядаги кинотеатрга борганимизда биз тезда тил топишиб кетдик. Уйга қайтганимизда... у қўлимни ушлади ва хайрли тун тилади. Мен хонамга кириб ярим кечаси бўлишига қарамай онамга қўнғироқ қилдим ва: «Ойи, мен ниҳоят ҳақиқий жентлменни учратдим», дедим.Эр-хотин 1977 йилда турмуш қуришган ва 44 йилдан бери бирга.
Герхард Шредер ва Ким Со Ён
Ёш фарқи: 48 йил
Германиянинг собиқ канцлери беш марта оила қурган. Рафиқалари ичида у немис журналисти ва ёзувчиси Дорис Шредер-Копф билан энг кўп — 20 йилга яқин бирга яшаган ва ҳатто Санкт-Петербургдаги болалар уйидан икки нафар болани асраб олишган. Бироқ жуфтлик охир-оқибат ажралишади ва 2018 йилда Сеулда Герхард ўзидан 48 ёш кичик Ким Со Ён исмли корейс таржимонига уйланади. Шредер жаҳон чемпионатида янги рафиқасини Россия президентига ғурур билан таништирган.
Дональд ва Мелания Трамп
Ёш фарқи: 24 йил
Бўлажак президент ва биринчи хоним 1998 йил сентябрь ойида мода ҳафталигида Times Square тунги клубидаги зиёфатда танишади. Айтишларича, ўша пайтда тадбиркор бошқа хоним билан муносабатда бўлган, аммо бу факт уни ўзидан 24 ёш кичик модель Мелания Кнауссга севги изҳор қилишига тўсқинлик қилмайди. Жуфтлик 2005 йилда турмуш қуради. Мелания учун у биринчи, Дональд учун эса учинчи турмуши эди.
Изоҳ (0)