Россия элчихонаси АҚШнинг хатти-ҳаракатлари ядровий хавфларни оширишга ёрдам беришини иддао қилди. Дипломатик миссия Вашингтонни Украинадаги можарога жалб қилиш — «икки ядровий давлат ўртасида тўғридан-тўғри ҳарбий тўқнашувга» олиб келиши мумкин, деб ҳисоблайди. Элчихона маъмуриятнинг «Россиянинг хатти-ҳаракатлари гўёки масъулиятли ядровий давлат мақомига тўғри келмайди» деган кенг қамровли риторикасига шундай муносабат билдирган. Бу ҳақда «Коммерсантъ» хабар бермоқда.
Бугунги кунда Қўшма Штатлар бошқа давлатларнинг хафвсизлиги ва манфаатларини ҳисобга олмасдан ҳаракат қилишда давом этмоқда, бу эса ядровий хавфнинг кучайишига ҳисса қўшади. Американинг Украина инқирози контекстида Россия билан гибрид қарама-қаршиликдан кейинги иштироки йўлидаги қадамлари, олдиндан айтиб бўлмайдиган кескинлашув ва ядровий кучларнинг тўғридан-тўғри ҳарбий тўқнашуви билан тўла», — дея изоҳ берилган элчихона Telegram’ида.Дипломатик миссия Россия ядровий давлат сифатида ўз мажбуриятларини бажараётгани ва ядровий хавфларни камайтиришга ҳаракат қилаётганини қайд этади.
Элчихона 1945 йилда Хиросима ва Нагасакини бомбардимон қилган Қўшма Штатларнинг айбловларини «эшитиш ғалати» деб ҳисоблайди. Бундан ташқари, элчихона Вашингтонни «қуролларни назорат қилиш ва тарқатмасликнинг ўн йилликлар тизими»ни йўқ қилишда айблайди.
Биз Вашингтонга дунё тартиби ҳақидаги қарашлари Қўшма Штатларники билан тўғри келмайдиган давлатларни асоссиз айблаш ўрнига, ўзининг ядро сиёсатига диққат билан қарашини таклиф қиламиз», — дейилади элчихона баёнотида.
Изоҳ (0)