Давлат экология қўмитаси тасарруфидаги «Сурхон» давлат қўриқхонасига ўрнатилган фотоқопқон каклик жўжаларини камера объектига муҳрлади.
Какликлар жуда хушёр ва тоғларда ҳам яшашга яхши мослашган бўлиб, асосан, май ойининг иккинчи ярмидан бошлаб тухум қўя бошлайди, уясини тошлар, буталар, ўтлар остига қуради.
Жўжаси тухумдан 20 кунда чиқади ва шу куниёқ онасига эргашиб юра олади. Ўсимликларнинг куртаги, барглари, дон ва уруғлари, ҳашаротлар, уларнинг личинкалари билан озиқланади.
Ушбу тасвирда учишга тайёрлана бошлаган каклик жўжаларини кўриш мумкин.
Какликлар «Сурхон» давлат қўриқхонасида доимий муҳофазага олинган.
Изоҳ (0)