Apple 1 ҳафтада 100 га яқин ходимини ишдан бўшатди. Бунга нима сабаб бўлди?

Американинг Apple компанияси ўтган ҳафтада шартнома бўйича 100 га яқин ходимни ишдан бўшатди. Бу ҳақда Bloomberg хабар берди.

Компанияга кўра, қисқаришлар Apple бизнесининг жорий эҳтиёжларидаги ўзгаришлари туфайли амалга оширилган. Шунингдек, пудратчилар компанияга янги ходимларни ёллаш учун масъул.

Бир ой олдин Apple 2023 йилда компания ходимларининг кенгайиш суръатларини ва иш ҳақи харажатларини камайтириш ниятида эканини хабар қилганди.

Apple компанияси учун кадрлар танлаш билан шуғулланувчи пудратчилар компаниянинг кўплаб минтақалардаги, жумладан, Техас ва Сингапур офисларидаги ходимларни қисқартирди.

Apple уларга икки ҳафталик иш ҳақини тўлашга ва тиббий имтиёзларини худди шу муддатга қадар сақлашга рози бўлди.

Бошқа кўплаб компаниялар сингари, Apple ҳам техник ёрдам ва мижозларга хизмат кўрсатиш каби вазифаларни бажариш учун шартнома бўйича ходимларни ишга олади.

Бундан ташқари, Apple компанияси Калифорниядаги компания бош қароргоҳи яқинидаги Санта-Клара округида ишловчи компания ходимларига 5 сентябрдан бошлаб ҳафтасига камида уч кун масофадан эмас, балки офисларда ишлаши кераклиги ҳақида хабар берган.

Янги сиёсат компаниянинг Кремний водийсидаги офисларида кучга киради ва кейин бошқа минтақалардаги офисларга ҳам тарқалади.

Аввалроқ 30 йил давомида Apple’нинг деярли барча дизайнларини ишлаб чиққан одам компанияни тарк этгани ҳақида хабар берилганди.