«Атлетико» ҳужумчиси Антуан Гризманн Испания чемпионатининг 1-туридан ўрин олган «Хетафе»га қарши ўйинда (3:0) гол урди.
Шу тариқа франциялик футболчи Ла Лигадаги голсиз сериясига барҳам берди. Гризманн 2021 йил ноябрь ойидан буён чемпионатда гол урмай келаётганди.
28 ноябрь санасида Антуан «Кадис» дарвозасини ишғол қилганди, шундан кейин ҳужумчи кетма-кет 15 та ўйинда рақиблар дарвозаси томон йўл топа олмади.
Ўтган мавсумда 31 ёшли футболчи Ла Лигада 26 ўйинда иштирок этиб, 3 та голга муаллифлик қилганди.
Мазкур ўйинда Альваро Мората дубль қайд этган бўлса, Жоау Феликс учта голли узатмани ўз ҳисобига ёздириб қўйди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)