Андижон вилоятининг Асака туманида 39 ёшли эркак оилавий келишмовчилик сабаб қайнакасини пичоқлаб, оғир тан жароҳати етказди. Бу ҳақда «Дарё»га вилоят ички ишлар бошқармаси хабар бермоқда.
Маълум бўлишича, 2022 йилнинг 13 август куни соат 20:30 ларда Асака туманида яшовчи 1983 йилда туғилган фуқаро Н.Ш. ўзининг яшаш уйи олдида оилавий келишмовчиликлар сабабли қайнакаси, 1982 йилда туғилган И.М. билан жанжаллашиб қолган.
Тортишув мобайнида Н.Ш. қўлида бўлган хўжалик пичоғи билан И.М.нинг бел соҳасига бир маротаба уриб, ўртача оғир тан жароҳати етказган.
Мазкур ҳолат юзасидан Асака туман ИИБ ҳузуридаги Тергов бўлинмаси томонидан Жиноят кодексининг 105-моддаси 2-қисми (қасддан баданга ўртача оғир шикаст етказиш) билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)