Тошкент шаҳри Юнусобод туманида коммунал тўловлар учун ундирилган пулларни ўзлаштирган ширкат аниқланди.
Бош прокуратура ҳузуридаги департаментнинг Юнусобод туман бўлими томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилган.
Унда, «З.К.» хусусий уй-жой мулкдорлари ширкати моддий жавобгар ҳудуддаги хонадон эгаларидан коммунал тўловлар учун ундирилган жами 237,2 миллион сўмни банк кассасига кирим қилмасдан, ўзлаштириш йўли билан талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)