Шифокорлар ҳозирда клиникада ётган сиёсатчи, Грузиянинг собиқ президенти Михаил Саакашвилига 17 хил ташхис қўйган. Бу ҳақда унинг укаси Георгий маълум қилди, деб хабар бермоқда Asia-Plus.
Михаил жуда заиф аҳволда, сўнгги икки-уч кун ичида унга яна учта ташхис қўйилган, шу боис Грузияда тузалишининг иложи бўлмаяпти. Вазиятни ўрганиш учун хорижлик мутахассислар келишини кутмоқдамиз. Ёки тезроқ чет эл клиникасига олиб боришни ташкил қилиш керак. Адашмасам, унга 14 та ташхис қўйилган ва охирги кунларда яна учтаси қўшилган», — дейди Георгий журналистларга.Унинг сўзларига кўра, собиқ президент аслида анча вақтдан бери умуман овқат емайди, клиникага кирганидан бери у 11 килограммга озган.
Саакашвили узоқ давом этган очлик эълонидан сўнг Тбилисидаги клиникалардан бирида даволанмоқда.
Собиқ президент 2021 йил 1 октябрда Грузияда ҳибсга олинган, унга нисбатан бир қанча жиноий ишлар бўйича тергов ҳаракатлари олиб борилмоқда. Сиёсатчи банкир Сандро Гиргвлиани ўлдирилиши ва депутат Валерий Гелашвилининг калтакланиши ишлари бўйича сиртдан судланган. Биринчи ҳолатда Саакашвили уч йилга, иккинчисида олти йилга озодликдан маҳрум этилган.
Бундан ташқари, у 2007 йил 7 ноябрдаги мухолифат митингини тарқатиб юбориш, «Имеди» телекомпаниясининг погроми ва давлат бюджети маблағларини ўғирлаш ишларида айбланувчи деб топилган ва бу айбловлар ҳали ҳам судда кўриб чиқилмоқда.
Бош вазир Ираклий Гарибошвили, Михаил Саакашвилини узоқ вақт қамоқда қолиши ҳамда бутун жазо муддатини ўташини таъкидлаган.
Мавзуга доир: Саакашвилининг аҳволи ўлимга яқин босқичда турибди — шифокор
Изоҳ (0)