«Журналист» сериалидаги образи орқали танилган актриса Зиннура эҳтиёжларига сарфлаётган маблағни қаердан олиши, номақбул ролларга рози бўлмай, 60 та кастингга боргани, ойига қанча топиши ва сарфлаши ҳақида гапирди.
Актрисалик фаолиятини тўхтатган Зиннура эҳтиёжларига сарфлаётган пулни қаердан олиши ҳақида
«Актрисаликдан ҳам унча пул топиб бўлмайди, гонорар йўқ. Мен гонорар оламан, бироқ жуда кам, бошида гонорар беришмас эди, бир йилдан ошди, сериалларга, суратга олиш жараёнларига гонорарга чиқяпман. Нарх жуда паст бўлгани сабабли мен тўй системасига кириб кетдим. Йўқчилик, қийинчилик қийнагандан кейин тўйларга чиқадиган бўлдим, яъни чақалоқ олиб чиқиш, чаллари, ‘Адаси’ деб қўшиқ айтганман, аёллар турмуш ўртоғини табриклаш учун ўн иккида чақиришади. Тадбирларга кириб олдим, асосий тирикчилигим шундан. Ҳозир эса актрисалик фаолиятимга озгина танаффус бермоқчиман. Орзулар, мақсадлар катталашгани сари актрисаликни тўхтатиб, хонандаликда ўзимни синаб кўрмоқчиман. Телевидениеда бўлмаса ҳам, насиб қилса телевидениеда ҳам чиқарарман, YouTube’да ўзимнинг яхши-яхши тароналаримни чиқариб, мухлисларимга тақдим қилмоқчиман», — дейди актриса.
Номақбул ролларга рози бўлмай, 60 та кастингга боргани
«Номақбул ролларни таклиф қилган инсонларнинг ҳозир иши ҳам, ижоди ҳам йўқ. Уларнинг нияти ғараз бўлгани учун омади ҳам келмаган. Шунинг учун уларни йўқ деб биламан. Шундай таклифлар бўлавергани учун ҳам мен 60 та кастингга боришга мажбур бўлганман. Умуман рози бўлмаганман бу нарсага, таклиф бўлган. Ҳаттоки исми ҳам эсимда йўқ, лекин пул сўрашган ёки ножўя таклифлар билдиришган», — дейди Зиннура.
Зиннура ойига қанча пул топиши ва сарфлаши ҳақида
«Аниқ қанча топишимни билмайман, топган пулимни ишлатиб ташлайман. Масалан, ойига 1000 доллар топсам, уни ҳам ишлатаман, йиға олмайман. Битта гап ўйнайман ва шунга 400 доллардан ажратаман, бўлди. Қолган пулимни кийимга, озиқ-овқатга, бензинга, фарзандимнинг боғчасига сарфлайман», — дейди актриса.
Изоҳ (0)