Ижтимоий тармоқларда Наманган вилояти Поп туманида йигит ўзидан катта эркакни калтаклагани айтилган хабар тарқалди. Ҳолат юзасидан вилоят ички ишлар бошқармаси расмий муносабат билдирди.
Маълум бўлишича, 26 июнь куни соат 19:00 да Поп тумани «Олмазор» МФЙда яшовчи 2003 йилда туғилган фуқаро тумандаги «Исковут» МФЙда жойлашган туман ТРИБнинг олдида Чуст тумани «Шувар» МФЙда яшовчи, 1980 йилда туғилган фуқарони ҳеч бир сабабсиз жамиятда юриш-туриш қоидаларини қасддан менсимасдан, баданининг турли жойларига уриб, тан жароҳати етказган.
Оқибатда фуқаро тан жароҳати олиб, туман марказий шифохонасига мурожаат қилган. Поп тумани СТЕБнинг хулосасида жабрланувчи баданидаги жароҳатлар оғирлик даражасига кўра ўртача оғир тан жароҳатлар тоифасига кириши кўрсатилган.
Мазкур ҳолат юзасидан Поп туманида яшовчи шахсга нисбатан Жиноят кодексининг 277-моддаси (безорилик) 2-қисми «а» банди билан жиноят иши қўзғатилиб, дастлабки тергов ҳаракатлари ўтказилмоқда. Айбдорларга нисбатан жазо муқаррарлиги таъминланиши таъкидланган.
Изоҳ (0)