Самарқанд шаҳрида халқаро ҳайкалтарошлар симпозиуми ўтказилмоқда. Бу ҳақда «Дарё»га вилоят ҳокимлиги ахборот хизмати маълум қилди.
Таъкидланишича, сентябрь ойида ўтадиган Шанхай Ҳамкорлик Ташкилотининг Самарқанд саммитига тайёргарлик кўришга қаратилган «Самарқанд руҳи» лойиҳаси 10 августдан 10 сентябрга қадар давом этади.
Ўзбекистон Туризм ва маданий мерос вазирлиги, Ўзбекистон Бадиий академияси Бадиий ижодкорлар уюшмаси ва Самарқанд вилояти ҳокимлиги билан ҳамкорликда ташкил этилаётган ушбу симпозиумда 7 нафар хорижлик (Россия, Эрон, Ҳиндистон, Грузия, Қозоғистон, Тожикистон ва Қирғизистон) ва 6 нафар маҳаллий ҳайкалтарош Зарбанд мармаридан, металл ва материалдан ажойиб ҳайкалтарошлик намуналарини яратади.
Ўзбекистонда илк бор ташкил этилаётган халқаро ҳайкалтарошлар симпозиуми Самарқанд шаҳрининг «Ватанпарвар» боғида бўлиб ўтади.
Мавзуга доир: Тошкентда ўтган санъат фестивали — суратларда
Изоҳ (0)