Ўзбекистонда беш нафар судьянинг ваколатлари муддатидан илгари тугатилди

Ўзбекистонда беш нафар судьянинг ваколатлари муддатидан илгари тугатилди. Бу ҳақда Судьялар олий кенгаши матбуот хизмати хабар берди.

Маълум қилинишича, 9 август куни бўлиб ўтган Судьялар олий кенгаши йиғилиши якунида:

• Самарқанд вилояти фуқаролик ишлари бўйича Самарқанд шаҳар судининг судьяси С.Турсунов;
• Тошкент шаҳар жиноят ишлари бўйича Шайхонтаҳур туман судининг судьяси А.Йўлдошев;
• Тошкент вилояти жиноят ишлари бўйича Олмалиқ шаҳар судининг судьяси Б.Жўрабеков ёзма аризаларига кўра;
• Тошкент шаҳар судининг иқтисодий ишлари бўйича судьяси И.Хакимова одил судловни амалга оширишда қонунийликни бузганлиги учун;
• Самарқанд вилояти жиноят ишлари бўйича Пайариқ туман судининг раиси Ш.Шарипов вафот этганлиги сабабли лавозимларидан озод этилиб, ваколатлари муддатидан илгари тугатилди.