Ўзбекистон Инновацион ривожланиш вазирлиги замонавий, халқаро даражадаги ҳамда инновацион ижтимоий тармоқ яратиш мақсадида танлов эълон қилди. Бу ҳақда вазирлик матбуот хизмати хабар бермоқда.
«Миллий мессенжер ва ижтимоий тармоқлар бўйича стартап лойиҳалар» мавзусидаги «стартап» лойиҳалар танлови учун аризалар 2022 йил 31 июлдан 1 октябргача қабул қилинади.
Стартап лойиҳаларни қабул қилишда қўйиладиган шартлар қуйидагича:
- лойиҳа ташаббускори–стартап лойиҳа асосчиларидан бўлиши (компания бўлган тақдирда асосий улушдорлардан бўлиши) лозим;
- стартап лойиҳа ташаббускори (1 та иштирокчи) 1 та лойиҳа билан иштирок этиши мумкин;
- лойиҳалар асосида тайёр маҳсулот, дастурий маҳсулот, хизматлар ва технологиялар яратишнинг ҳамда вазирлик томонидан молиялаштиришнинг энг кўп муддати 1 йилдан ошмаслиги лозим.
Стартап лойиҳалар бир нечта мезонлар асосида баҳоланади. Бундан лойиҳанинг инновационлиги, техник жиҳатдан мукаммаллиги, молиявий ва маркетинг режалаштириш инобатга олинади.
Бунда ташқари, лойиҳа жамоасининг тегишли соҳа мутахассислари билан таъминланиши ҳам муҳимдир.
Танловга тақдим этиладиган лойиҳалар мессенжер.startap@gmail.com электрон почтасига қуйидагиларни юбориш орқали қабул қилинади.
- Стартап лойиҳа муаллифи томонидан имзоланган ариза;
- Стартап лойиҳа паспорти;
- Харажатлар сметаси;
- Стартап лойиҳа бизнес матни (имзо ва муҳр қўйилган ҳолда);
- Стартап лойиҳа тақдимоти ёки планшет шаклида лойиҳа мазмуни тўлиқ ёритилганлиги.
Тақдим этилган лойиҳалар техник экспертизадан ўтказилади.
Изоҳ (0)