Ҳар бир инсон чангюткичдан қандай фойдаланишни билади. Лекин ундаги ҳар бир қўшимча нима учун мўлжаллангани ва созламаларни моҳирона тушунадиганлар камдан кам. Lifehacker нашри чангюткичдан унумли фойдаланиш сирлари билан бўлишди.
Аслида, чангютгич ақл бовар қилмайдиган қурилма. У ҳар қандай майда чиқиндиларни бир зумда тозалайди. Бироқ агар чангюткичдан фақат тозалаш учун фойдаланилса, кўп нарса йўқотиш мумкин. Унинг ёрдамида қуйидаги мақсадларда ҳам унумли фойдаланиш тавсия этилади.
Майда буюмларни топиш мумкин
Агар зирак ёки шу каби кичик нарса йўқолган бўлса, ўша пайтда хонадан бирор нарсани топиш мутлақо мумкин эмас. Йўқолган нарсалар ҳафталар ёки ҳатто йиллар давомида топилмайди ва кейинчалик улар кутилмаган жойлардан чиқади.
Бир неча соатлаб уйни катталаштирувчи ойна билан айланиб юриш ўрнига, чангюткич трубасининг пастки қисмини бўшатиб, пайпоқ ёки юпқа футболкани тортиб, у эластик тасма билан маҳкамланади. Сўнгра чангюткич тугмаси босилади. Агар гиламда ёки плиткалар орасида нарса яширинган бўлса, у, албатта, юзага чиқади ва матога ёпишиб қолади.
Гиламдаги мебель изларини бартараф этади
Гилам устида узоқ турган мебель кейинчалик ўз ўрнида из қолдиради. Айнан чангюткич уларни олиб ташлашга ёрдам беради. Дастлаб излар устига муз бўлаклари қўйилади, улар эригунча кутилади ва зарарланган жойлар чангюткич билан тозаланади. Ушбу лайфхак нам бўлган гилам толаларини юқорига тортади ва изларни йўқ қилади.
Болани тинчлантиради
Шовқин аслида болаларнинг ухлаб қолишига ёрдам беради, бу ғалати, аммо тасдиқланган ҳақиқат. Уй ҳайвонлари чангюткичнинг овозидан қочиши мумкин, аммо йиғлаётган бола тинчланади. Агар бола учун ҳар сафар чангюткични шкафдан олиш малол келса, шунчаки телефонга унинг овозини юклаб олиш тавсия этилади. Бола йиғлаган заҳоти уни телефон орқали ҳам эшиттириш тинчланишга ёрдам беради.
Ёстиқларни янгилаш мумкин
Инсон уйқуси давомида тер чиқаради, тана эса турли хил микробларга эга. Албатта, буларнинг барчаси ёстиқ, чойшаб ва одеялларга тушади. Шунинг учун, вақт ўтиши билан улардан ёқимсиз ҳид кела бошлайди. Бошқача қилиб айтгандаги барча буюмлар эскирган тусга киради ва ҳидланади, лекин уй эгаларига бу унчалик сезилмайди.
Яхшиямки, чангюткич бу муаммони ҳам ҳал қилиши мумкин. Ёстиқларга озгина қабартма нам губка билан суртилади ва бир соатга қолдирилади. Кейин уларни одатдагидек чангюткич ёрдамида тозалаш керак.
Ҳаво алмаштиришда айни муддао
Ҳамма аста-секин уй ҳидига кўникади. Кўчадаги ёқимсиз ҳид уйда табиийдек кўринади. Бироқ ҳидларни ҳис қилмаслик уларнинг мавжуд эмаслигини англатмайди.
Аммо ҳамёнбоп усул барча муаммони бартараф этишга ёрдам беради. Масалан, пахтага бир неча томчи эфир мойи қуйиб, тозалашдан олдин уни чангюткичнинг фильтр бўлимига жойлаштириш керак. Хонадан хонага ўтаётганда, чангюткич чанг ва кирни сўриб олади, ёмон ҳидларни фильтрлайди ва кейин анча тоза ҳамда ёқимли ҳаво чиқаради.
Изоҳ (0)