Хоразм ва Андижон вилоятларида ишга киритиб қўйишни ваъда қилган шахслар ушланди, деб хабар бермоқда Бош прокуратура ҳузуридаги департамент.
Департаментнинг Хоразм вилоят бошқармаси томонидан Миллий гвардия ва ДХХ ходимлари билан ҳамкорликда ўтказилган тезкор тадбирда «Ю» АЖ инспектори М.П. фуқаро О.ни гўёки юқори лавозимда ишловчи танишлари орқали Миллий гвардия тизимига ишга киритиб қўйиши эвазига 500 долларни олган вақтида ашёвий далиллар билан ушланган.
Шу каби Андижон вилоятининг Балиқчи туман бўлими томонидан ўтказилган терговга қадар текширувда, фуқаро Д.Х. фуқаро А.нинг ишончига кириб, уни «И.И.» МЧЖга ишга киритиб қўйиш эвазига 9 миллион сўмини фирибгарлик йўли билан қўлга киритгани аниқланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)