Аслида йилнинг исталган вақтида касал бўлиш ёқимсиз, лекин ёз фаслидагиси икки карра қийинроқ: атрофдаги ҳамма иссиқ қуёшли кунлардан завқланади. Лекин бемор уйда ётиб, дори воситаларини ичиши керак. Шунинг учун, айниқса, иссиқ мавсумда фаоллашадиган касалликлар ҳақида билиш ва ўз вақтида профилактика чораларини кўриш жуда муҳимдир, деб ёзади «Новий очаг».
Грипп ва ЎРВИ
Ёзда вирусли инфекцияни юқтириш қиш фаслига қараганда 25 фоизга осонроқ, аммо шуни ёдда тутиш керакки, ёзги вируслар ЎРВИнинг одатий белгиларидан ташқари, қорин оғриғи ва кўнгил айнишига ҳам сабаб бўлиши мумкин бўлган бошқа турдаги микроблар томонидан чақирилади. Ушбу вирусларга камроқ мойил бўлиш учун жисмоний машғулотлар билан фаол шуғулланиш керак ва, албатта, одатий профилактика чораларини унутмаслик лозим.
Тунги томир тортишишлар
Агар безовта оёқ синдроми кузатилса, ёзда бу муаммони икки баравар тезроқ ҳал қилиш керак бўлади. Гап шундаки, иссиқ ҳавода нервлар қўшимча стрессни бошдан кечиради ва томирлар билан реакцияга киришиши мумкин. Кўпроқ суюқлик ичишга ҳаракат қилиш, шунингдек, ётишдан олдин оёқларни намлаб, совутиш керак, агар бу ёрдам бермаса, шифокор билан маслаҳатлашиш зарур.
Росацея
Жиддий қизариш ва тошма билан ифодаланган терининг яллиғланиши иссиқ ҳавода ҳам кузатилади. Бу ҳолат тез-тез ва узоқ давом этиши мумкин. Шифокорлар терини тинчлантириш ва совутиш учун алоэ шарбатидан фойдаланишни маслаҳат беради.
Аутоиммун касалликлар
Склероз, волчанка ва бошқа аутоиммун касалликлар ёзда кўпроқ ривожланади. Қуёш, ультрабинафша нурлар, юқори ҳарорат — буларнинг барчаси симптомларнинг кучайишига олиб келади.
Экзема
Тер, ҳовуз хлори, қуёшдан ҳимояловчи крем, шўр сув терининг қизариш хусусияти ва симптомларни ёмонлаштириши мумкин. Уларнинг қайси бири касалликнинг кучайишига олиб келишини аниқлашга ҳаракат қилиш ва иложи бўлса, улардан қочиш тавсия этилади.
Буйраклардаги тошлар
Атроф-муҳит ҳарорати қанчалик баланд бўлса, буйракда тош пайдо бўлиш эҳтимоли шунчалик юқори бўлади — бу Техас университети тадқиқотчиларининг фикридир. Мутахассисларнинг фикрига кўра, ёзда организм намликни тезроқ ва кўпроқ йўқотади ва буйракларда стресс кучаяди. Шунинг учун ёзда кўп суюқлик ичиш ва сувсизланиш белгиларини сезсангиз, ўз вақтида чора кўриш саломатлик учун жуда муҳимдир.
Астма
Чанг, тутун, ўсимлик гулчанглари — шаҳардаги ёз ҳавоси қишки ҳавога қараганда анча ёмонлашади ва астма билан оғриган одамлар учун бу қўшимча муаммоларни келтириб чиқариши мумкин. Шунинг учун дори-дармонни доимо ёнингизда сақланг, шунингдек, узоқ вақт давомида ёмғир ёғмаган бўлса, кўчага чиқмасликка ҳаракат қилинг.
Мигрен
Тадқиқотчиларнинг фикрига кўра, ҳаво ҳароратининг ҳар беш даража кўтарилиши учун мигрен эҳтимоли икки баробар ортади. Иссиқлик бу касалликнинг кучайишига олиб келадиган энг кенг тарқалган қўзғатувчилардан бири ҳисобланади. Хавфни камайтириш учун кўпроқ сув ичиш ва ташқарига чиқаётганда шляпа кийишга одатланиш керак.
Изоҳ (0)