Президент таълим муассасалари агентлиги тизимидаги 14 та Президент мактаби Халқаро Кембриж имтиҳонларини ўтказувчи расмий марказ сифатида тан олинди. Бу ҳақда АОКАда ўтказилган брифингда агентлик ахборот хизмати раҳбари Дилфуза Собирова маълум қилди.
Брифингда 2022 йилнинг 6 ойи якунлари бўйича Президент таълим муассасалари агентлиги томонидан бир қатор лойиҳалар амалга оширилгани айтиб ўтилди.
Хусусан, юқорида номи келтирилган мактаблар Халқаро Кембриж имтиҳонларини ўтказувчи расмий марказ сифатида тан олингани билдирилди.
Маълумот учун, А-level Cambridge Assessment International Education ташкилоти томонидан тақдим этиладиган сертификатлар халқаро олий стандарт сертификати ҳисобланади.
А-level имтиҳонлари 2022 йилнинг май—июнь ойларида Нукус, Хива, Наманган ва Тошкент шаҳарларидаги Президент мактабларида бўлиб ўтган. 2022—2023-ўқув йилидан эътиборан эса республика ҳудудидаги барча Президент мактаблари мазкур имтиҳонларни ташкил қилиш режалаштирилган.
Изоҳ (0)