Қорақалпоғистонлик болалар ёзги таътилни Фарғона вилоятида ўтказади, деб хабар бермоқда «Дарё» мухбири.
Элликқалъа ва Бўзатов туманлари ҳамда Нукус шаҳридан келган болалар Қўқон темир йўл вокзалида вилоят ҳокимлиги вакиллари томонидан тантанали кутиб олинган.
Шу куннинг ўзида 302 нафар қорақалпоғистонлик ўғил-қизлар Қўқон шаҳридаги «Коинот» болалар оромгоҳига жойлаштирилган.
Қайд этилишича, Ўзбекистон касаба уюшмалари федерацияси ҳамда Фарғона вилояти ҳокимлиги томонидан мазкур оромгоҳда қорақалпоғистонлик болалар таътил вақтини мазмунли ўтказиши, дам олиши ва соғломлаштирилиши учун барча шароитлар яратилган.
Бу ерда футбол, шахмат, шашка, стол тенниси, волейбол, расм, рақс, адабиёт, рус ва инглиз тили тўгараклари ташкил этилган. Таниқли ижодкорлар билан учрашувлар, турли танловлар ва диққатга сазовор жойларга саёҳатлар ҳам болаларнинг мароқли дам олишига хизмат қилади.
Изоҳ (0)