Россия қўшинлари Харьковдаги бозор ва Краматорскдаги мактабни ўққа тутди. Тинч аҳоли орасида қурбонлар ортмоқда. Урушнинг 148-кунидан фоторепортаж
Россия қўшинлари Харьковдаги бозор ва унинг ёнидаги автобус бекатини ўққа тутди, оқибатда уч киши ҳалок бўлди (гувоҳларнинг айтишича, ярадорлардан баъзиларининг танаси «бутунлай куйиб кетган»). Краматорскдаги ҳужумга учраган мактаб вайроналари остида икки киши қолиб кетди, бир киши ҳалок бўлди. АҚШ разведка идоралари маълумотларига кўра, Украинада 15 мингга яқин рус аскари ҳалок бўлган. ЕИнинг Россияга қарши санкцияларининг еттинчи пакети кучга кирди — у Россия олтини импортига қисман эмбарго қўйишни назарда тутади. Meduza урушнинг 148-кунига оид асосий суратларини эълон қилди.
Харьков
Украина аскарлари Харьков вилоятидаги фронт чизиғида М777 гаубицасидан ўт очмоқда. 21 июнь куни Харьков рус қўшинлари томонидан ўққа тутилди. Вилоят прокуратураси маълумотларига кўра, ракеталар икки туман – Салтовский (турар жой биноси шикастланган) ва Киев (бозор ва автобус бекатига зарба берилган) туманларига тушган. 3 киши ҳалок бўлди, 23 киши яраланди.Фото: Reuters
Украинанинг «Карпацкая сеч» баталони ҳарбий хизматчиси фронтда қўмондони билан рация орқали гаплашмоқда.Фото: AP Photo
Харьковдаги рус қўшинлари томонидан ўққа тутилган Барабашово бозори. Ҳозир бозор вайрон бўлган. Гувоҳларнинг BBC’га айтишича, воқеа жойида ярадорлар кўп, улар орасида «танаси бутунлай куйган» одамлар ҳам бор.Фото: Anadolu
Тиббиёт ходимлари ва полиция ҳужумда ҳалок бўлган эркакнинг жасади ёнида унинг рафиқасини тинчлантирмоқда. Бозордан ташқари, Россия ракетаси унинг яқинидаги автобус бекатига ҳам келиб урилган.Фото: EPA
Барабашово бозори ўққа тутилганидан кейин ярадорга ёрдам бераётган тиббиёт ходими.Фото: AP Photo
Донбасс шимоли
Краматорскдалик киши Россия ракетаси ҳужумига учраган уйидан нарсаларни олиб чиқмоқда. Британия разведкаси маълумотларига кўра, Россия артиллерияси ҳамон Краматорск ва Северск атрофидаги ҳудудларда тўпланган.Фото: Reuters
Краматорскдаги вайрон бўлган мактаб ёнидан ўтаётган одам. Отишма оқибатида камида бир киши ҳалок бўлди, яна икки киши вайроналар остида қолган. Бу ҳақда Украина фавқулодда вазиятлар бўйича давлат хизмати маълум қилган.Фото: EPA
Краматорскдаги вайрон бўлган мактаб ўрнида қутқарувчилар ва ҳарбийлар ишламоқда.Фото: Reuters
Краматорсклик 71 ёшли киши Россия ҳарбийлари томонидан вайрон қилинган уйини тарк этмоқда.Фото: Reuters
Россия ўқларидан зарар кўрган Бахмутдаги бозорда ёнғин чиқди. Ҳалок бўлганлар ва жароҳатланганлар ҳақида маълумотлар аниқланмоқда. Урушни ўрганиш институти мутахассисларининг фикрига кўра, Россия Бахмутни қўлга кирита олмайди. Шаҳарга ҳужум учун аввалги уринишлари муваффақиятсиз тугаган.Фото: EPA
Донецк вилоятининг Курахово шаҳри яқинида бошоқли экин майдонлари ёнмоқда. Аввалроқ Туркия ҳукумати 22 июль куни Истанбулда Украина донини экспорт қилиш бўйича келишув имзоланишини маълум қилган эди.Фото: AP Photo
Изоҳ (0)