Наманган вилояти Чуст туманида яшовчи фуқаронинг банк карта маблағларини ўзлаштирган чет эл фуқароси ушланди. Бу ҳақда вилоят Ички ишлар бошқармаси хабар қилди.
Қайд этилишича, Чуст туманида яшовчи А.С. (20 ёшли) ариза билан мурожаат қилиб, банк картасидаги 10 миллион сўмга яқин маблағлар ўғирланганини маълум қилган. Ўрганишлар давомида номаълум фирибгар томонидан А.С.нинг банк картасидаги пуллар Андижон вилоятида яшовчи крипто-активларни олиш-сотиш билан шуғулланувчи Ж.А. (21 ёшли)нинг банк картасига ўтказилгани аниқланган. Ж.А. эса ушбу маблағни дастлаб криптовалютага айлантириб, ўзининг ҳисобидан ушбу эквивалентдаги 800 долларга яқин маблағларни номаълум фирибгарнинг ҳисоб рақамига ўтказиб берган.
Олиб борилган тезкор-қидирув тадбирлари натижасида ушбу ноқонуний ҳаракатни Қирғизистон Республикаси фуқароси О.С. (24 ёшли) Бишкек шаҳрида туриб амалга оширгани маълум бўлган.
Ушбу ҳолат бўйича тўпланган ҳужжатлар юзасидан терговга қадар текширув ҳаракатлари давом эттирилмоқда.
Мавзуга доир:
- Андижонда 8-синф ўқувчиси ўнлаб фуқароларнинг пулларини қўлга киритиб, PUBG ўйинига тикиб юборгани аниқланди
- Тошкентда яшовчи ўсмир 17 нафар бухороликнинг пластик карточкасидаги пулларни ўғирлагани маълум бўлди
- Тошкентда Ўзбекистон президенти ва ССВ номидан фейк хабарларни тарқатган 22 ёшли йигит қўлга олинди
Изоҳ (0)