Шри-Ланка парламенти бош вазир Викрамасингхени мамлакатнинг янги президенти этиб сайлади

Шри-Ланка парламенти бош вазир Ранил Викрамасингхени мамлакат президенти этиб сайлади. Бу ҳақда Reuters хабар берди.

Викрамасингхе май ойидан бери бош вазир лавозимини эгаллаб келаётган эди. У аввал ҳам ушбу лавозимда 1993—1994, 2001—2004, 2015—2018, 2018—2019 йилларда ишлаган.

Шри-Ланка парламенти мамлакат мустақилликка эришган (1948 йил)дан буён энг оғир иқтисодий ва сиёсий инқироз шароитида президентликка уч номзоддан бирини танлади. Қайд этилишича, Ранила Викрамасингхенинг сайловда ғалаба қозониши янги намойишлар ва тартибсизликларга олиб келиши мумкин.

Ўтган ҳафта Шри-Ланканинг собиқ президенти Готабая Ражапакса Сингапурга қочиб кетиб, истеъфога чиққанидан сўнг, Ранил Викрамасингхе президент вазифасини бажарувчи этиб сайланганди.

Шри-Ланкада янги президент сайлови олдидан вазият жорий қилинган.

Мавзуга доир:

• Шри-Ланкада яна фавқулодда ҳолат жорий қилинди
• Шри-Ланка: қандай қилиб ўзгармас ҳокимият мамлакатни бу аҳволга туширгани, унинг оқибатлари, ҳозирги вазияти ва кейинги тақдири ҳақида умумий таҳлил