Навоий вилояти Конимех туманида автомобиль олиб қочганлар қўлга олинди.
Конимех тумани Зафаробод маҳалласида яшовчи 18 ёшли Р.Ш. дўстлари К.С. ва вояга етмаган Ж.Ж.лар билан ўзаро тил бириктирган. Улар 2022 йил 14 июль куни тунги соат 01:14 да Конимех тумани «Зафаробод» маҳалласида яшовчи 35 ёшли Т.Б.нинг эгалигида бўлган Nexia автомашинасини сих ёрдамида очиб, ғайриқонуний равишда, ҳеч қандай рухсатсиз ушбу автомашинани олиб қочиб, воқеа жойидан яширинган.
Ўтказилган тезкор-қидирув тадбирлари давомида Р.Ш. ва унинг шериклари Nexia автомашинасини «Зафаробод» маҳалласи Шодлик кўчаси ҳудудида бошқариб кетаётган вақтида Конимех тумани ИИБ ходимлари томонидан ушланган.
Мазкур ҳолат юзасидан Конимех тумани ИИБ ҳузуридаги Тергов гуруҳи томонидан Жиноят кодексининг 267-моддаси 2-қисми «б» банди (транспорт воситасини олиб қочиш) билан жиноят иши қўзғатилиб, Р.Ш. ва К.С. процессуал тартибда ушланган.
Ҳозирда дастлабки тергов ҳаракатлари олиб борилмоқда.
Изоҳ (0)