«Бавария» Maттeйс де Лигт трансфери бўйича «Ювентус» билан оғзаки келишувга эришди

Ҳимоячи Maттeйс де Лигт «Ювентус»дан «Бавария»га ўтади.

Журналист Жанлука ди Марционинг хабар беришича, трансфер борасида оғзаки келишувга эришилган: мюнхенликлар 70 миллион евро тўлаш кафолатини олган ва яна қўшимча 10 миллион евро бонус сифатида тўлаб беради.

Bild журналисти Кристиан Фалк «Ювентус» «Бавария»нинг таклифини қабул қилганини тасдиқлади.

Де Лигтнинг ўзи туринликлар сафини тарк этишни ва немис клубига ўтишни хоҳламоқда. Футболчи «Бавария» билан 2027 йил ёзигача мўлжалланган шартнома ва йилига 12 миллион евро маош борасида келишувга эришган.

Аввалроқ «Бавария» ҳимоячи учун 60+10 миллион евро таклиф қилгани, «Ювентус» эса уни рад этгани хабар қилинганди. Шунингдек, Maттeйсга «Челси» ва «Манчестер Юнайтед» Maттeйс де Лигтга қизиқиш билдираётгани маълум бўлганди.

Нидерландиялик ҳимоячи «Ювентус»даги 3 мавсуми давомида 117 та ўйинда иштирок этиб, 8 та гол ва 3 та голли узатмага муаллифлик қилган.