Тошкент шаҳар Фарғона йўли кўчасини Бектемир шоссеси билан боғловчи Тошкент ҳалқа автомобиль йўли кўчасидан ўтувчи йўл ўтказгич иншоотининг икки тарафидан ТҲАЙга кириш ва чиқиш имконини берувчи ёрдамчи йўл ўтказгичларини қуриш ва ҳаракат хавфсизлигини таъминлаш мақсадида, 6- ва 7-метро бекатлари оралиғида метро поездлари ҳаракати вақтинчалик тўхтатилди.
Шу муносабат билан, йўловчиларнинг жамоат транспортига бўлган эҳтиёжини қондириш мақсадида, «Тошшаҳартрансхизмат» АЖ томонидан «Роҳат 5-метро бекати — Қўйлиқ 7-метро бекати» метро бекатлари оралиғида вақтинчалик автобус йўналиши ташкил этилди.
Мазкур ташкил этилган вақтинчалик автобус йўналишидаги ҳаракат жадваллари сони Isuzu русумли автобуслар асосида ҳафтанинг барча кунларига 2 та, йўналишнинг иш тартиби соат 7:00 дан 20:00 га қадар этиб белгиланди.
Изоҳ (0)