«Битта клипга 1500 доллар эвазига суратга тушаман». Telegram нималигини билмаган Холиқжон вайнес қандай қилиб интернет юлдузига айлангани ҳақида (видео)

Инстаблогер, вайнер, тиктокер, Instagram’да 1 ярим миллионга яқин кузатувчига эга Холиқжон вайнес MY5 телеканалининг «Омон-Омон» кўрсатувига берган интервьюсида машҳурликка эришмасидан олдин қандай яшагани, клипларга қанчага суратга тушиши, Ҳамдам Собиров билан муносабатлари қандай экани, телефони йўқ бўлган пайтда дўсти унга телефон совға қилгани ва ёрдам бергани ҳақида гапириб берди.

Вайнер хонанда Ҳамдам Собировнинг бир нечта клипларида суратга тушган. У видеоларда иштирок этиш таклифи хонанданинг ўзидан чиққанини айтади.

«Таклиф Ҳамдам Собиров томонидан бўлган. Тўғрисини айтсам оддий оилада ўсганман. Санъаткорлар билан кўришишни орзу қилганман. Машҳурлар стадионга келиб қўшиқ куйлаганда олдига боролмаганман. Ҳамдам Собировни олдиндан, ‘Манго гуруҳиъда чиққанидан бери кузатаман. Бундан ташқари Жасур Умиров, Жаҳонгир Позилжоновнинг мусиқаларини ёқтирардим. Ҳаттоки Жаҳонгир Позилжоновга тақлид қилиб видео олганман.

Шукр, шу кунларга етказганига. Бир куни Ҳамдам ака телефон қилди. Укажон, менинг клипимга суратга тушишингни истайман, шуни ният қилдим’ деди. Хурсанд бўлдим, беҳисоб шукрки, шу даражага эришибман деб ўйладим. Кейин Ҳамдам ака мендан қанчага клипга тушаётганимни сўради. Сабаби Ҳамдам Собировнинг клипидан олдин Муниса Ризаеванинг клипида суратга тушгандим. Биринчи суратга тушган клипим ҳам ўша бўлган. Яна сўраганида Ҳамдам Собировга ҳаётда пул муҳим эмас, акам сифатида сизни яхши кўраман, акамсиз деганман ва у бундан жуда хурсанд бўлган», — дейди хонанда.

Холиқжон винес клиплардаги гонорари миқдори ҳақида ҳам гапириб ўтди. Шу билан биргаликда у телефони бўлмаган вақтда яқин дўсти унга ўз телефонини берганини ва кўп нарсаларни ўргатгани ҳақида гапирган.

«Дўстлигимиз 2017 йилдан бошланган. Ҳаттоки телефоним йўқ эди, Telegram, Instagram нималигини, сенсор телефон қандай бўлишини билмаганман, шуларни дўстим ўргатган. Ўзи ишлатадиган iPhone 5 маркали телефонини менга совға қилган. Telegram'да гаплашишни ўргатган, шу даражада содда бўлганман. Мени биринчи қўллаб-қувватлаган инсонлардан бири у», — дейди блогер.

Мавзуга доир: «Отасиз, уйсиз яшаш осон эмас». Миллати тожик, Қозоғистон фуқароси бўлган ўзбекистонлик блогер Азода билан суҳбат (фото)