«ПСЖ» ёзда 11 нафар футболчисини сотишга тайёр.
Парижликларнинг трансферлари билан шуғулланувчи Антеро Анрике ва Луис Кампос клуб хайрлашмоқчи бўлган футболчилар рўйхатини тузиб чиқди.
Унга ҳимоячилар Левен Курзава, Абду Диалло, Тило Керер, ярим ҳимоячилар Леандро Паредес, Данилу Перейра, Идрисса Гуйе, Андер Эррера, Жоржиньо Вейналдум, Эрик Эбимбе ва Юлиан Дракслер, шунингдек, ҳужумчи Мауро Икарди киритилди, деб ёзади Get French Football News.
Рўйхатга ҳужумчи Неймар ва ҳимоячи Преснел Кимпембе киритилмаган. Аммо бу клуб уларни сақлаб қолишга қарор қилганини англатмайди. Футболчиларнинг келажаги бир қанча омилларга боғлиқ.
Эслатиб ўтамиз, июль ойи бошида жамоага Кристоф Гальтье бош мураббий этиб тайинланди. У бу лавозимда Маурисио Почеттинонинг ўрнини эгаллади.
Изоҳ (0)