20 июнь кунидан 2022/2023-ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш бошланганди. 28 июндан Давлат тест марказининг «My.dtm.uz» сайти орқали йўналишларни танлаш имконияти очилди.
Абитуриентлар 5 тагача йўналиш танлаши мумкин. 2022 йилдан бошлаб бир пайтнинг ўзида бир нечта таълим шаклларини (кундузги, сиртқи, кечки, масофавий) танласа бўлади.
Рўйхатга олиш 20 июлга қадар (20 июль куни ҳам) давом этади ва абитуриентлар 20 июлга қадар ўз маълумотларини ўзгартиришлари ҳамда чет тилидан миллий ёки халқаро сертификатга эга бўладиган бўлса, сертификат маълумотларини киритишлари мумкин бўлади.
Чет тилидан касбий (ижодий) имтиҳон ўтказиладиган бакалавриат таълим йўналишларига онлайн рўйхатга олиш эса 10 июлга қадар (10 июль куни ҳам) амалга оширилади.
Эслатиб ўтамиз, олий таълим муассасаларига ҳужжатларни қабул қилиш ишлари 15 июндан бошланиши керак эди. Бироқ белгиланган муддатдан бир кун кейин президентнинг тегишли фармойишига асосан 2022/2023-ўқув йили учун давлат олий таълим муассасаларига ўқишга қабул қилишнинг давлат буюртмаси параметрлари тасдиқланди. Мавзуга доир:
Изоҳ (0)